Një aksident i rëndë ka ndodhur në qytetin e Beratit pasditen e sotme. Ngjarja ndodhi në rreth-rrotullimin në afërsi të Urës së Goricës.
Në incident është përfshirë shpërndarësi i picave, i cili rrëshqiti me motorin e tij duke u përplasur me një automjet.
32-vjeçari, Erjon Gjeçi, mori plagë të rënda në kokë e trup pas përplasjes me asfaltin. Ai është transportuar në gjendje të rëndë drejt Spitalit të Beratit, ku ndodhet nën kujdesin e mjekëve.
Vetëm disa ditë më parë kishte dalë nga spitali ku kishte kryer një operacion.
Në polici u shoqërua për të dhënë deklaratën e tij drejtuesi i mjetit tip Volvo, Geri Sulkaj,24-vjeç.
Sipas policisë, shkak i aksidentit u bë shpejtësia me të cilën lëvizte shpërndarësi i picave.
