Ditën e sotme “Vëllai i Madh” i dha mundësinë banorëve që janë çift në nominim të bënin një zgjedhje për një person tjetër që ata do të donin të shihnin një ndeshje futbolli. Moderatorja Einxhel Shkira kishte një dëshirë të zgjidhte një person ndryshe nga dëshira e balerinit Ilir Shaqiri, ku ai nuk donte ta merrte fare në konsideratë dëshirën e saj.
Ajo zgjodhi Donaldin, ndërsa Iliri Kledin. Biseda vazhdoi të agravojë shumë, saqë Einxhel e quajti atë dhe të pafytyrë.
“Ke ndonjë problem personal me mua që vetëm më kthehesh? Ti je i paftyrë, shumë i ulët, skuth, intrigant. S’do ta kesh shumë të gjatë këtu brenda”, i tha ajo e acaruar Ilirit.
Iliri edhe pse i prekur nga ofendimet e Einxhel i tha se nuk të kanë hije këto fjalë se je dhe femër. “Vazhdo të lexosh filxhanin aty. Nuk dua të të jap llogari se je personi i fundit në këtë shtëpi që më intereson,”– ia ktheu Iliri.
