Sot, jepet masa e sigurisë për vrasësin Klodian Çalamani. Familjarët kanë hyrë me forcë në Gjykatë, duke marrë përpara policinë, teksa dëgjohet nëna duke i thënë autorit: “Qen, dua drejtësi. Ma masakrove djalin.”, por ai ende nuk ka mbërritur në ambientet e Gjykatës.
Familjaret e 8-vjeçarit Mateo Vasiu kanë hyrë me forcë në ambientet e gjykatës dhe thyer xhamat e derës hyrëse.
Mësohet se të afërmit dhe familjarët e të ndjerit duan të marrin pjesë në seancën gjyqësore ndaj Klodian Çalamënit.
Ndërkohë që autori i vrasjes nuk ka mbërritur ende në gjykatë dhe seanca pritet të nisë në orën 10:00.
Gjithë kjo situatë është shoqëruar me debate të ashpra mes familjarëve të 8-vjeçarit dhe forcave të policisë.
Familjarët pretendojnë se nuk është vendosur drejtësi dhe madje që gjithë këto orë pas krimit të rëndë nuk janë informuar për atë që ka ndodhur me vogëlushin e ndjerë.
“Ju lutem qytetarëve që kanë fëmijë kërkojmë të na bashkoheni ju lutem na ndihmoni të kërkojmë drejtësi për Mateon, sot ishte fëmija jonë nesër mund të jetë fëmija juaj, le të varim këtë plehrë të shpëtojnë fëmijët e tjerë, gjithë populli ku është të na mbështesë këtu”, tha njëra nga të afërmet e vogëlushit.
