Prodhuesi kryesor i qumështit në Korenë e Jugut, Seoul Dairy Cooperative ka kërkuar falje publike pasi publikoi një reklamë që përshkruan gratë si lopë. U detyrua të hiqte klipin nga interneti dhe të kërkonte falje.
Videoja kontroverse, e cila që atëherë është shpërndarë nga publiku, është bërë për të promovuar markën kryesore të kompanisë, Seoul Milk. Ajo tregon një burrë duke ecur nëpër pyll me një aparat fotografik të madh. Ai arrin në një livadh ku filmon një grup grash të bukura me rroba të bardha duke bërë joga në barin e harlisur dhe duke pirë ujë nga një burim. Por kameramani shkel aksidentalisht një degëz dhe me zhurmën e kërcitjes, të gjitha zonjat kthehen papritur në lopë.
Klipi mbyllet me sloganin: “Ujë i pastër, ushqim organik, qumësht Seuli 100% i pastër. Qumësht organik nga një fermë organike në natyrën e këndshme të Cheongyang. ”
Shikuesit e Koresë së Jugut ishin të indinjuar nga kjo reklamë. “Nuk do ta pi më kurrë qumështin e Seulit”, ishin komentet në instagram.
