Moderatorja sportive, Ilda Bejleri, ka reaguar sërish pas ngjarjes që bëri bujë mediatike, ku ajo përplasi me makinë 63-vjeçaren Enriketa Gjuzi, dhe u largua me shpejtësi, pa i dhënë ndihmë. E plagosura tha se do ta kishte falur, nëse ajo do t’i jepte ndihmë, por për Bejlerin kjo është një deklaratë e rreme, ndërsa paralajmëron se shumë shpejt do publikojë dokumentet e spitalit, që sipas saj, tregojnë se zonja s’ka patur asgjë, përveç një shembjeje në këmbë, por pa kontakt me makinë.
Sipas moderatores, znj Gjuzi është rrëzuar në rrugë nga nxitimi për të kaluar, ndërsa shton se ajo po kërkon dëmshpërblim, pasi i kanë thënë se tani mund të përfitojë ndonjë gjë. Ajo ka sulmuar mediat dhe këdo që është marrë me të dhe ngjarjen e saj ndërsa ka bërë me dije se s`ka ndërmend t`i jap asnjë lekë gruas që është në spital.
Postimi i plotë:
“E di.. keni mllef për këdo, sidomos për njerëzit që dalin ne ekran! A u shfrytë o shqiptar?! Apo keni akoma?? Ju vjen keq për zonjën që si ndodhi asgjë, thjeshtë një shembje sepse po nxitonte dhe u rrëzua, po fundja edhe për kalimtarët ka ca rregulla?! Prandaj ekzistojnë vijat e bardha! Apo jeni të lumtur sa mirë ju bë kësaj që u gjend rastësisht afër një zonjë që endej mes makinave?!
Po kur makina ishte e ndaluar si vallë zonja qenka përplasur!? Apo po kërkon dëmshpërblim tani që i thanë “mund të përfitosh noj gjë”?! Shumëshpejt do publikojmë dokumentet e spitalit që zonja s`ka pas asgjë, përveç një shembjeje në këmbë por pa kontakt me makinën, thjeshtë nga nxitimi me kalu sikur jetojmë në Afganistan! E rëndësishme është që zonja ka dal nga spitali dhe uroj t`i vijnë dhe mendtë me atë rast e mos të dëgjoj njerëzit që po përfitojnë prej saj për disa klikime me shumë. Çdo gjë që ka thënë në atë telefonatë ajo zonja është mashtrim. Dhe për këtë ka dëshmitar!
….Ndoshta mendojnë se do i jap disa lekë zonjës për të mbyllur gojën, por jo! Dje vajta vete në polici, pashë videon, lashë makinën pa asnjë shenjë në të dhe u ktheva në shtëpi”! n.k/Fjala.al/
