Prej rreth një jave, Southampton ka ndërruar pronësi, pasi aksionet e klubit janë blerë nga një kompani që zotërohet nga serbi Dragan Solak, i cili ishte i pranishëm për herë të parë në tribunën VIP të “St. Mary’s Stadium”.
Regjia fokusoi disa herë serbin, i cili u pa mjaft i lumtur në tribunë, megjithatë në fushë “zot” ishte pikërisht sulmuesi shqiptar, Armando Broja, që ndizte entuziazmin e tifozëve sa herë që prekte topin, apo lëshohej në sprint, për t’u bërë presing kundërshtarëve.
Sulmuesi kuqezi arriti të dërgojë topin në rrjetë në fillim të pjesës së dytë dhe ashtu siç ka bërë gjithmonë pas golave, festoi sërish me simbolin e shqiponjës, për t’i treguar me krenari prejardhjen e tij, edhe pronarit të ri të klubit.
