Një tjetër varr masiv është zbuluar pranë Mariupolit.Lajmin e ka bërë të ditur këshilltari i kryebashkiakut të qytetit, Petro Andryushchenko.
Teksa e ka raportuar në Telegram, Andryushchenko ka shkruar ndër të tjera se zyrtarët kishin marrë informacion në lidhje me një “varr masiv të banorëve të vrarë të Mariupolit në një përpjekje për të fshehur gjurmët e krimeve të luftës”.
Nga ana tjetèr media prestigjoze BBC nuk ka qenë në gjendje të konfirmojë në mënyrë të pavarur pretendimin, shkruan prestigjiozja britanike.
Andryushchenko u kërkoi gazetarëve të gjenin foto të varrit në imazhet satelitore, duke thënë se ai ndodhej në rrethin Livoberezhnyy pranë varrezave të fshatit Vynohradne.
“Kjo dëshmon edhe një herë se pushtuesit po mbledhin dhe varrosin, ose djegin banorët e vdekur të Mariupolit në çdo lagje të qytetit”, tha ai.
Mariupoli është një ndër qytetet më të goditura që nga pushtimi i Rusisë. Qyteti port thuajse është i shkatërruar, ndërsa ka qenë objektivi i Moskës. Rusët kërkojnë të marrin kontrollin e plotë të qytetit, i cili është në një zonë strategjike. Me marrjen e Mariupolit, rusët krijojnë në këtë mënyrë një korridor në lidh rajonin e Donbasit me Krimenë, e cila është aneksuar në vitin 2014.
