Presidentja e Kosovës, Vjosa Osmani feston sot ditëlindjen e saj të 40-të. Ajo ka lindur më 17 maj të vitit 1982 në Mitrovicë, ndërsa shkollimin fillor dhe të mesëm i ka mbaruar në po të njëjtin qytet.
Osmani ka mbaruar Fakultetin e Drejtësisë në Universitetin e Prishtinës, ndërsa studimet Master dhe studimet e Doktoratës i ka mbaruar në Universitetin e Pittsburgh-ut në Pensilvani, SHBA.
Jeta e saj ndryshoi, kur më 4 prill të vitit 2021, u zgjodh Presidente e Republikës së Kosovës.
Ditët e fundit, Osmani ka qenë në qendër të mediave rozë, për shkak të një ndryshimi që ka bërë në pamjen e jashtme.
