Vetëm një javë më pas, Partia Socialiste do të mbajë Kongresin Zgjedhor, i cili do të zhvillohet për tre ditë me radhë.
Mësohet se nga data 28 shkurt deri më datë 1 mars 2020, delegatët e Kongresit do të votojnë për zgjedhjen e anëtarëve të Asamblesë Kombëtare të kësaj partie.
Gjatë ditëve të Kongresit, socialistët do të kenë diskutime të gjata mes tyre.
Më herët, nga Partia Socialiste janë shprehur se më datë 29 shkurt, sipas programit, do të zgjidhen anëtarët e Asamblesë Kombëtare.
Norma e përfaqësimit për anëtarët e Asamblesë Kombëtare të PS që zgjidhen nga Kongresi është një anëtar i Asamblesë për 800 anëtarë partie.
Kështu garantohet dhe përfaqësimi i barabartë i gjithë territorit të vendit si dhe të shqiptarëve që jetojnë jashtë.
Ndërkohë, të shtunën më datë 22 shkurt socialistët do të zhvillojnë një konferencë ndërkombëtare me sloganin: “Një kontinent, një e ardhme- Zgjerimi i BE drejt Ballkanit Perëndimor”.
