Britania e Madhe këtë vit shijoi “pak verë”, me temperatura rekord, të cilët arritën deri në 35 gradë celcius.
Mirëpo, shirat janë rikthyer, dhe aspak si zakonisht. Vendi do të përballet me stuhi shiu, breshëri dhe shkarkesa të mëdha elektrike.
“Bëhuni gati për të ikur nga përmbytjet!”, ky ka qenë paralajmërimi i autoriteteve britanike për qytetarët, pasi pritet një përkeqësim i motit.
Daily Mail ka publikuar pamje ku duket se si ujë vërshon furishëm në rrugët e qytetit duke shkatërruar biznese dhe rrezikuar jetën e njerëzve.
Meteorologët parashikojnë një përkeqësim të motit i cili do të shtrihet në pjesën më të madhe të ishullit. Ndaj autoritet kanë kërkuar që qytetarët që jetojnë në zonat që do të preken nga stuhitë dhe ciklonet duhet të marrin masa për tu larguar, në mënyrë që të mos rrezikojnë jetën e tyre.
Ndërkohë ekspertët paralajmëruan se thatësira është larg përfundimit pasi vendit i duhen javë të tëra reshjesh për të rimbushur furnizimet. Ai vjen pas korrikut më të thatë të regjistruar në vend dhe gjysmës së parë më të thatë të vitit që nga viti 1976.
