Faqja zyrtare në ‘Facebook’ e kryetarit të bashkisë së Gramshit, Klodian Taçe është hakeruar. Në një status në profilin e tij personal, kryebashkiaku i Gramshit ai tregoi më herët gjatë ditës se deri në momentin që do të rimarrë kontrollin e faqes, të gjitha komunikimet zyrtare, do publikohen te profili i tij personal dhe te faqja e Bashkisë Gramsh.
Incidenti vjen 5 ditë pas incidentit në uzinën e armëve në Gramsh nga dy rusët e dyshuar për spiunazh Mihail Zorin e Zvetlana Timofevva si dhe ukrainasi Fedis Alpatov.
Me sa duket nuk kemi të bëjmë me një rastësi. Klodian Taçe i kontaktuar nga gazetarja e Gazetës Expres për Shqipërinë Beklie Koltraka duke mos preferuar të drejtojë gishtin pa përfunduar hetimet, ka deklaruar se ai më parë ka qenë drejtori i uzinës mekanike të armëve që u sulmua nga rusët.
“Nuk besoj se vjedhja e profilit tim në rrjete sociale ka lidhje me sulmin në uzinë. Pavarësisht se duhet të them se unë kam qenë drejtori i uzinës mekanike e armëve në Çekin por nuk kam diçka për të thënë derisa të rikthehet faqja”, tha ai për Gazetën Express.
Nisur nga ky fakt lindin dyshime se sulmi ndaj faqes së tij në rrjete sociale mund të ketë lidhje me ngjarjen në uzinën e Gramshit. Gjithçka mbetet në kuadrin e dyshimeve.
