Kampioni shqiptar i boksit, Kristian Demaj është bashkuar pasditen e sotme me tubimin e thirrur nga Presidenti Ilir Meta që është duke u zhvilluar në Bulevardin “Dëshmorët e Kombit”.
Shkodrani foli nga podiumi i Presidencës dhe ka thënë se ndonëse nuk ëhstë lindur apo rritur në Shqipëri, zemra e tij rreth kuq e zi.
Demaj u ka bërë thirrje të gjithë shqiptarëve që ndodhen në diasporë të kthehen në vendin e tyre dhe t’i bashkohen këtij manifestimi.
“Shqipëri dua të të dëgjoj. Jam i lumtur dhe krenar që ndodhem në këtë manifestim madhështor. Edhe pse nuk kam lindur këtu, zemra ime është vetëm kuqezi. Zemra ime rreh për këtë vend të mrekullueshëm, që nuk duhet ta lë të shpopullohet. Zemra ime rreh për këtë rini, që duhet ta ndërtojë të ardhmen këtu. Shqiponjat duhet të kthehen e të jetojnë këtu. I ftoj të gjithë shqiptarët në mbarë botën t’i bashkohen besëlidhjes sonë kuqezi. Të gjithë së bashku në mbrojtje të demokracisë, në mbrojtje të Kushtetutës”,- u shpreh Demaj./Fjala.al/
