Sfidat e ditës në grupin E dhe F pushtojnë faqet e para të gazetave, pasi gjithcka varet në një sfidë për fatin e tyre.
Ndjekim disa nga titujt kryesorë të mediave sportive:
Momenti shumë delikat i Juventusit ende mban skenën, në gazetat italiane. Gazzetta dello Sport ia kushton faqen e parë rikthimit të mundshëm bardhezi të Alessandro Del Piero: “Ale Juve”. Ferrero e quan Del Pieron si zëvendëspresidentin e ri të klubit.
“Djemtë e Messit” shkruan Corriere dello Sport, e cila vendos në pah fitoren e Argjentinës, duke siguruar kështu kualifikimin në fazën e 1/16-të si e para në grupin e saj.
Gazeta spanjolle AS hapet me përzgjedhjet e Luis Enrique drejt 1/16-tës: “Taktika është të fitosh”. Sot Spanja kërkon vendin e parë në Grupin E ndaj Japonisë.
Prestigjiozja Marca hapet po ashtu me sfidën e fundit në grup të iberikëve: “Nuk ka llogari që vlejnë: shkojmë për tonat”. Spanja do të jetë në fazën e 1/16-tës nëse mposht Japonin ose edhe nëse i falet një barazimi.
Entuziazëm i madh në faqen e parë të britanikes Daily Express Sport: “Gareth, po bëhet shtëpi”. Anglia do të luajë në fazën e 1/16-ës me Senegalin, një rival i cili në letër konsiderohet i thjeshtë për anglezët.
