Ditën e sotme ka nisur shitja e biletave për ndeshjen Maqedoni e Veriut-Kosovë, e cila është e vlefshme për fazën e play-off në Ligën e Kombeve.
Ky takim do të zhvillohet më 26 mars në stadiumin e Shkupit, ndërsa i çuditshëm është fakti se biletat mund të gjenden kudo, përveçse në qytetet ku jetojnë shqiptarë si në Tetovë, Gostivar, Kumanovë, Strugë.
FFM si duket ka marrë këtë vendim nga frika se në stadium mund të jenë më shumë shqiptarë se sa maqedonas. Madje mbi të gjitha theksohet se çdo biletë do të jetë e personalizuar, teksa 1 person mund të blejë vetëm 1 biletë me 1 mjet identifikimi.
– Biletaria e Arenës “Todor Proeski” (çdo ditë nga ora 10:00 deri në orën 18:00)
– T.A. Globus – Ohër
– T.A. Bran – Prilep
– Kafe Bar “Koncept” – Strumicë
– Simbol Kafe – Shtip
– Literatura – Manastir
– Kiosk Korzo – Negotinë
– Uni Son – Veles
– Tobako Leni – Gjevgjeli
– Libero Travel – Koçani
Biletat për tribunat jugore dhe veriore do të kushtojnë nga 300 dhe 400 denarëve./Fjala.al/
