Edhe pse “Big Brother VIP 2” ka vetëm tre javë që ka nisur, shikueshmëria e këtij edicioni arrin rekorde të paimagjinueshme.
Spektakli i kësaj të shtune pritet të jetë njëjtë me një mbrëmje finale ku me kureshtje pritet rezultati se kush nga banorët do të lërë sot shtëpinë. Në një garë të fortë mes Luizit, Kiarës, Dea Mishel dhe Mikelës të gjithë shqiptarët janë kthyer në tifozë të zjarrtë të konkurrentëve.
Rrjetet sociale kanë shpërthyer nga komentet për banorët e shtëpisë më të famshme në Shqipëri, bizneset po përdorin strategji marketing me emrat e vipave të Big Brother për të tërhequr më shumë klientë, teksa rrugët e qyteteve boshatisen çdo të martë dhe të shtunë kur në orën 21:00 ndizen dritat e spektaklit të madh nën moderimin e Arbana Osmanit.
Personazhet e Big Brother Vip 2 kanë bërë për vete ndjekësit jo vetëm në distancë si një dashuri platonike, por mbështetjen ata e treguan me tubime duke dhuruar një shfaqje entuziaste me fishekzjarre dhe pankarta dhe brohoritje.
Ethet e këtij spektakli ndjehen kudo edhe në bisedat e përditshme. Një nga banoret ka marrë vëmendjen me te madhe këto ditë me historinë e treguar e me pas përgënjeshtruar.
Big Brother çdo sezon tregon qartazi se nuk është vetëm një program televiziv por edhe një fenomen që kalon kufijtë jashtë vendit.
Kudo ku ka shqiptarë, në abonimin e DigitAlb në dy kanale transmetimi nën monitorimin e kamerave 24 orë, në kanalin e YouTube transmetimi live i mbrëmjeve prime time si dhe në ekranin e tv Top Channel, kryefjala e këtyre 22 ditëve është vetëm BIG BROTHER… por ky është vetëm fillimi!
Magjia e spektaklit që vetëm Top Channel di të organizojë vijon rrugëtimin me emocione e surpiza të tjera…
