Presidenti i Serbisë, Aleksandar Vuçiç, ka theksuar sonte në fjalimin e tij para qytetarëve se ndryshimi i rrethanave gjeopolitike ka kontribuar në qasjen më të ashpër të vendeve perëndimore ndaj Serbisë dhe çështjes së Kosovës dhe Metohisë.
“Në marrëveshje me anëtarët e qeverisë dua të flasim më shumë për çështje strategjike dhe jo për çështje taktike dhe ditore politike. Versionin e parë të gjithë e kemi parë ditëve të fundit, i cili nuk ndryshon shumë nga versioni i dytë në media të ndryshme të të ashtuquajturit plan franko-gjerman, që nuk është më plan franko-gjerman, por shumë më tepër se kaq”, tha Vuçiç në Presidencë.
Ai thotë se askush nuk ka dashur të flasë për kontekstin dhe rrethanat dhe se me çfarë po përballet Serbia.
