Kryeministri Edi Rama ka pritur sot në Kryeministri fëmijët e dy policëve të rënë në detyrë, Shkëlzen Dobrushit dhe Roland Likajt.
Rama u ka dorëzuar statusin e posaçëm, “Fëmijë në Përkujdesje të Republikës”.
“Me bijtë e dy policëve të rënë në krye të detyrës, Shkëlzen Dobrushit dhe Roland Likajt, në dorëzimin e statusit të posaçëm ‘Fëmijë në Përkujdesje të Republikës’.
Ky status është mishërim i vullnetit tonë për t’iu bërë krah të gjithë fëmijëve të të rënëve deri në daljen e tyre nga shkolla apo universiteti, me një pension mujor deri në 150% të pagës së prindit, pjesë e një pakete të plotë mbështetjeje nga shteti për ta e për nënat e tyre”, shprehet Rama.
