Trajneri i skuadrës së Interit, Antonio Conte ka thënë se ekipi i tij nuk është ende në nivelin që ka Juventus sot.
Në komunikimin me mediat pas derbit të mbrëmjes së djeshme ku zikaltërit u mundën me rezultati 2-0, në takimin për javën e 26-ë të Serisë A, ai tha se ndeshja ishte e balancuar deri në momentin kur u bë goli i parë.
“Ishte një ndeshje e balancuar deri në momentin që pësuam golin e parë. Filluam pjesën e dytë më mirë, por goli i Ramseyt ndryshoi gjithçka. E rriti besimin e tyre dhe goditi tonin, kështu që ne e kishim të pamundur të merrnim veten nga ajo gjë.
Juventusi është një nivel tjetër dhe ne duhet të mësojmë nga kjo humbje që pësuam në mënyrë që mos të lëshojmë pikë nga takimet tjera. Aktualisht jemi nëntë pikë mbrapa dhe me një ndeshje më pak, por që duhet të ngushtojmë diferencën së paku në gjashtë dhe të afrohemi dalëngadalë”,-tha tekniku.
“Zonja e Vjetër” ndodhet në kuotën e 63 pikë dhe ndiqet nga Lazio i vendit të dytë me vetëm një më pak, ndërsa interi qëndron tashmë 9 pikë më pak se bardhezinjtë./Fjala.al/
