Kombëtarja shqiptare e futbollit ka anuluar dy ndeshjet miqësore që ishin planifikuar të zhvilloheshin në muajin mars, për shkak të përhapjes në masë të koronavirusit.
Ky lajm u zbulua nga gazetari Altin Sulçe në studion e “Ora Sport”, ku ka thënë se dy ndeshjet e Kombëtares ajo me San Marinon dhe me Sllovenisë nuk do të luhen as në Itali dhe as në Shqipëri.
“Ne pamë Brojën që debutoi në Londër sot por nuk do të jetë me kombëtaren. Sepse ndeshja e kombëtares me San Marinon do të anulohet. Ishte ideja që do të zhvillohej në San Marino e më pas thanë që do të zhvendosej në Shqipëri por tani është anuluar. Ka shumë gjasa që dhe ndeshja me Slloveninë që të anulohet. Nuk kishte interes kompanisë që e ka marrë përsipër që të luajë pa tifozeri”,-tha Sulçe.
Ndërkohë, tashmë janë konfirmuar dy raste me koronavirus edhe në vendin tonë, duke e rritur kështu akoma më shumë rrezikun nga ky virus , ndaj nga mbledhja e qeverisë kryeministri Edi Rama anuloi zhvillimin e të gjitha aktiviteteve sportive në vend./Fjala.al/
