Kryeministri Edi Rama i është përgjigjur në mënyrë të menjëhershme akuzave të kryedemokratit Lulzim Basha, i cili pak minuta më parë tha në një deklaratë për mediat se maskat në Shqipëri janë të skaduara e të dëmshme.
Përmes një postimi në “Twitter” kryeqeveritari ka thënë se maskat e vetme të dëmshme në vendin tonë janë ato të personave që shpifin në kohë tërmetesh e koronavirusi.
“Ka vetëm një palë maska të dëmshme në Shqipëri:Maskat e atyre që dhe kur ky vend lufton me jetën nën gërmadhat e tërmetit apo me një virus kërcënues për planetin,s’ndalen së kërkuari pushtet me shpifje,sherr,rrëmujë!Po përsëri Shqipëria do t’ia dalë sepse shqiptarët s’janë vetëm!”-shkruan Rama në reagimin e tij./Fjala.al/
Ka vetëm një palë maska të dëmshme në Shqipëri:Maskat e atyre që dhe kur ky vend lufton me jetën nën gërmadhat e tërmetit apo me një virus kërcënues për planetin,s’ndalen së kërkuari pushtet me shpifje,sherr,rrëmujë!Po përsëri Shqipëria do t’ia dalë sepse shqiptarët s’janë vetëm!
— Edi Rama (@ediramaal) March 10, 2020
