Megjithëse ishte parashikuar që stadiumi ku do të luhet ndeshja midis Valencias dhe Atalantës do të ishte i boshatisur, pjesa jashtë tij është e mbipopulluar e gjitha nga tifozët spanjollë.
Ndeshja mes Valencias dhe Atalantën, e vlefshme për fazën e 1/8-ave të Champions League, e cila pritet të luhet pa tifozë, ka dalë jashtë çdo parashikimi pasi tifozët e Valencias nuk duan t’ia dinë për virusin vdekjeprurës.
Ata u mblodhën pranë stadiumit për të mbështetur skuadrën e tyre ndërsa ky veprim i tyre mund të çojë në një shpërthim edhe të madh të koronavirusit.
Në Spanjë deri tani janë prekur rreth 1600 persona dhe 35 njerëz kanë ndërruar jetë.
I pyetur për këtë ngjarje, Fabio Capello e “harroi” problemin aktual global, Koronavirusin, dhe u shpreh se “kjo është një traditë e bukur e tifozerisë, kur pret ekipin e zemrës”.
