Punimet në transformimin urban e mjedisor të lumit Gjanica në Fier janë drej fundit.
Kryeministri Edi Rama ka publikuar pamjet nga kantieri i fazës së dytë të punimeve, ndërsa thekson se deri dje ishte një vatër ndotje dhe rrezik përmbytje për qytetin. Sipas Ramës sot është një arterie e gjelbër në zemër të Fierit.
‘Mirëmëngjes dhe me kantierin e fazës së dytë drejt përfundimit të transformimit urban e mjedisor të lumit Gjanicë, i cili deri dje ishte një vatër ndotje dhe rrezik përmbytje për qytetin dhe sot është një arterie e gjelbër e zemrës së Fierit, ju uroj një ditë të mbarë.’- shkruan Rama.
