Grupi parlamentar i Partisë Socialiste do të nisë një kallëzim penal ndaj ish-kryeministrit, Sali Berisha, pasi ata e akuzojnë për përhapje të informatave dhe njoftimeve të rreme, me imazhe të montuara, në një kohë kur vendi është prekur nga koronavirusi.
Në njoftimin e bërë, thuhet se kallëzimi do të dorëzohet nesër në prokurorinë e Tiranës.
Për çfarë akuzohet Berisha: Alarmi i Berishës: I gjithë Durrësi rrezikohet nga epidemia e koronavirusit
(-Maskat e skaduara/ PD kallëzon në SPAK ministren Manastirliu)
DEKLARATA E GRUPIT TË PS
Deputete te Komisionit te Shëndetësisë ne Kuvendin e Shqipërisë po ndjekin dhe vlerësojnë masat e marra per përballimin e situatës se emergjencës të krijuar në Shqipëri si pasojë e përhapjes në shumë vende të botës së virusit COVID-19 dhe nevojën për solidaritet me bluzat e bardha të cilët kane përgjegjësinë kryesore.
Grupi i PS sqaron se: “Ne konstatojmë me shqetësim disa veprime keqdashëse te disa personave politikë që synojnë të përhapin panik, mosbesim tek stafet mjekësore dhe demoralizim.
Per këtë qellim bazuar ne Nenin 267 te Kodit Penal ne Republikën e Shqipërisë kemi vendosur te kallëzojmë penalisht shtetasin Sali Ram Berisha ish-deputet, për përhapjen e informatave apo njoftimeve të rreme, me imazhe të montuara apo komente me shkrim (përmes faqes së tij facebook), të cilat targetojnë opinionin publik duke nxitur me vetëdije një gjendje pasigurie dhe paniku tek njerëzit.
Gjithashtu i bëjmë thirrje Partisë Demokratike të ndalojë menjëherë daljen në Tiranë dhe në bashki të tjera të vendit të përfaqësuesve të saj, të instruktuar për të përhapur panik. Kallëzimi i plote penal do te depozitohet nesër ne mëngjes ne Prokurorinë e Tiranes”.
