Aktorët Tom Hanks dhe Rita Wilson kanë deklaruar se janë infektuar me koronavirus, duke u bërë personazhet e para që e pranojnë publikisht. Çifti amerikan është infektuar në Australi, ku ndodhen për xhirimin e një filmi.
Të dy në moshën 63 vjeçare, Tom dhe Rita kanë deklaruar se do të qëndrojnë të vetëizoluar për sa kohë është e nevojshme.
Deklarata
“Përshëndetje, njerëz. Unë dhe Rita jemi këtu në Australi. Ndiheshim pak të lodhur, sikur të kishim ftohje dhe ca dhembje trupi. Rita kishte disa të dridhura që erdhën dhe shkuan. Ethe të pakta gjithashtu. Për të qenë të sigurt, siç është e nevojshme në botë tani, ne u testuam për Coronavirus dhe rezultuam pozitivë. Tani, çfarë të bëjmë tjetër? Zyrtarët e mjekësisë kanë protokolle që duhen ndjekur. Ne, Hanks, do të mbahemi të vëzhguar dhe të izoluar për aq kohë sa është e nevojshme për shëndetin dhe sigurinë publike.”
