Ilir Beqja nuk ka pranuar mandatin e deputetit në Kuvend, pas dorëheqjes së Benet Becit, i cili kandidon në zgjedhjet lokale për kryebashkiak të Shkodrës.
Komisioni Qëndror i Zgjedheve shpalli sot moszgjedhshmërinë pasi ai nuk iu përgjigj thirrjes së saj për të dorëzuar formularin e dekriminalizimit brenda afatit.
Për të zëvendësuar Beqjan, KQZ ka ftuar Frrok Gjinin që është në listën vijuese të PS për të marrë mandatin. Atij do t’i duhet të dorëzojë formularin brenda 10 ditësh, ndryshe do të hiqet dhe ai nga lista.
