Ministri i jashtëm i Italisë Luigi Di Maio ka thënë sot se vendi i tij do të jetë i pari në Evropë që do të lërë pas koronavirusin, edhe pse numri i të vdekurve ka shkuar mbi 1.000 persona.
Më shumë se 15,000 raste të personave të prekur nga koronavirusi janë konfirmuar në të gjithë Italinë.
Luigi Di Maio i tha BBC-së se masat e vendosura në zonën e parë të shpërthimit të koronavirusit rezultuan efektive.
Dy javë pasi 10 qytetet e para në veri të Italisë u shpallën “zonë e kuqe” dhe u futën në karantinë nuk patën më infeksione të reja.
Di Maio theksoi se kjo më pas shërbeu si një model për të forcuar masat në të gjithë vendin.
Deri tani në Itali janë shënuar 1.016 vdekje nga koronavirusi dhe mbi 15,000 të infektuar. Për 24 orët e fundit numri i të infektuarve është rritur me 2,249 persona. Burimi: BBC, Përshtati: Fjala.al
