Ministria e Shëndetësisë ka kërkuar që qytetarët që janë mbi moshën 70 vjeç, të mos dalin nga shtëpia, pasi rrezikojnë të preken nga koronavirusi.
Sipas zëvendësministres së Shëndetësisë, Mira Rakacolli, kjo kategori është më rrezikuara ndaj duhet të ketë kujdes, në një kohë kur numri i të prekurve ka arritur në 51, ndërsa në spitalin Infektiv janë shtruar 20 persona.
“Nisur nga sa ju informuam, dua të përsëris edhe një herë thirrjen për qytetarët:
Telefononi në numrin 127!
Jepuni informacion të hollësishëm stafeve mjekësore!
Nëse mbani të fshehtë informacionin e lëvizjeve tuaja nga personeli shëndetësor, rrezikoni të infektoni personelin dhe të afërmit tuaj.
SOT ËSHTË DETYRIM që të mbrojmë personelin shëndetësor.
Ju lutem qytetarë: Shmangni vajtjet direkte në spitale.
Qëndroni në shtëpi!
Respektoni rregullat e reja!
Një thirrje sidomos për të moshuarit mbi 70 vjeç: Ju lutem mos dilni nga shtëpitë!”, tha Rakacolli.
