Pas deklaratës së bërë nga Organizata Botërore e Shëndetit se koronavirusi luftohet vetëm duke bërë sa më shumë teste, ka reaguar ish-ministri i Drejtësisë, Ylli Manjani. Ai i bën thirrje kryeministrit Rama që të zbatojë porosinë e OBSH-së dhe po të jetë nevoja të blejë 2 milionë tamponë për testimin e të gjithë popullatës.
“Lëri përrallat me shtetrrethim, se na i ka rrëfyer Kinostudio “Shqipëria e Re” shumë kohë para teje. Bli tamponë dhe lejo poliklinikat, mjekët e familjes e klinikat private të bëjnë teste. Shpërndaji ato furgonët “si je”, të bëjnë teste në çdo cep të vendit. Bëje se është krejt e mundur. Bli 2 000 000 tamponë! Në Korenë e Jugut shko. Ose ku të duash xhanëm! Po bleji ato të shkreta! Testo popullsinë realisht jo si ato të checkup”, shprehet Manjani.
OBSH deklaroi sot se izolimi është një mënyrë e mirë për të luftuar përhapjen e koronavirusit, megjithatë, kjo nuk është zgjidhja për ta zhdukur.
-“Teste, teste, teste”, kreu i OBSH: Kjo është porosia e vetme për shtetet
Reagimi i Ylli Manjanit
“Nuk mund të luftosh një pandemi nëse nuk e di kush është i infektuar. Nuk mund të luftosh një zjarr me sytë e mbyllur”- thotë shefi i Organizatës Botërore të Shëndetit.
Super mesazh!
Dëgjoje, kuptoje dhe zbatoje këtë porosi të OBSH-së, o Kryeministër!!!!
Lëri përrallat me shtetrrethim, se na i ka rrëfyer Kinostudio “Shqipëria e Re” shumë kohë para teje.
Bli tamponë dhe lejo poliklinikat, mjekët e familjes e klinikat private të bëjnë teste. Shpërndaji ato furgonët “si je”, të bëjnë teste në çdo cep të vendit.
Bëje se është krejt e mundur. Bli 2 000 000 tamponë! Në Korenë e Jugut shko. Ose ku të duash xhanëm! Po bleji ato të shkreta!
Testo popullsinë realisht jo si ato të checkup.
Të gjithë do ta bënin këtë test për të kuptuar ku është. Por edhe shtetitveç mirë i bëhet të ketë rezultate të qarta.
Vetëm mbi këtë bazë ndërtohen politika të sigurta mbrojtje të popullsisë, për sot e për nesër. Bota po mendon për valën e dytë të pandemisë diku rreth vjeshtës.
