Ndërsa në Kuvend kërkohet prania e tij për interpelancë nga opozita, duket se kryeministri Rama po u bën karshillëk atyre nga Dhërmiu.
Më herët opozita e akuzoi se ai pop bënte plazh në Dhërmi, ndërsa Rama ka publikuar një video pak minuta më parë bashkë me ministren Balluku duke udhëtuar me një makinë me të.
Ai shkruan se akset e reja Orikum – Dukat dhe Palasë – Dhërmi do të lehtësojnë qarkullimin e automjeteve, në këtë periudhë fluksesh të larta të lëvizjes së automjeteve.
Rama: Në akset e reja Orikum – Dukat dhe Palasë – Dhërmi, ende në punë e sipër po të hapura përkohësisht, për të lehtësuar qarkullimin e automjeteve, në këtë periudhë fluksesh të larta të lëvizjes së automjeteve.
Në qershorin e 2024-ës kjo pjesë shumë e rëndësishme e gjerdanit të ri infrastrukturor të bregut Jonian do të jetë e përfunduar, ndërkohë që po punohet me projektin për rrugën e re turistike që nga Dhërmiu në Himarë dhe Sarandë, përmbi kreshtat e kodrave, e cila do të jetë një alternativë çliruese për zhvillimin e infrastrukturës hoteliere dhe çlirimin e trafikut në bregdetin jugor të Shqipërisë 2030, kampione e Ballkanit në Turizëm.
