Tetë zakone të shëndetshme mund të ndihmojnë në zgjatjen e jetës nëse njerëzit i adoptojnë ato në moshën e mesme, sipas një studimi të paraqitur në takimin vjetor të Shoqatës Amerikane të Dietologjisë, Nutrition 2023 në Boston.
Aktiviteti fizik, shmangia e opioideve dhe cigareve, menaxhimi i stresit, ushqimi i mirë, konsumimi jo i rregullt i alkoolit, gjumi me cilësi të mirë dhe marrëdhëniet pozitive sociale janë çelësat për rritjen e jetëgjatësisë.
Studimi përdori të dhëna nga të dhënat mjekësore për më shumë se 700,000 persona të moshës 40-99 vjeç në SHBA. Të dhënat janë mbledhur në periudhën 2011-2019.
Sipas rezultateve, meshkujt që kanë ushtruar të tetë këto zakone deri në moshën 40-vjeçare parashikohet të jetojnë mesatarisht 24 vjet më shumë se meshkujt që nuk kanë asnjë nga këto zakone. Për gratë, këta tetë faktorë në moshën e mesme u shoqëruan me 21 vite shtesë të jetës në krahasim me gratë që nuk kishin asnjë nga këto zakone.
Në mënyrë të veçantë, aktiviteti i ulët fizik, përdorimi i opioideve dhe pirja e duhanit kishin ndikimin më të madh në jetëgjatësinë dhe u shoqëruan me një rrezik afërsisht 30-45% më të lartë të vdekjes gjatë periudhës së studimit. Stresi, konsumimi i tepruar i alkoolit, dieta e dobët dhe cilësia e dobët e gjumit shoqërohen me një rritje prej rreth 20% të rrezikut të vdekjes, ndërsa mungesa e marrëdhënieve pozitive sociale shoqërohet me një rritje prej 5% të rrezikut të vdekjes.
Sipas studiuesve, gjetjet theksojnë rolin e stilit të jetesës në sëmundjet kronike si diabeti i tipit 2 dhe sëmundjet e zemrës që çojnë në paaftësi të parakohshme dhe vdekje.
Përshtatja e më shumë faktorëve të mënyrës së jetesës së shëndetshme në një moshë më të re (rreth moshës 40 vjeç) lidhet me përfitimet më të mëdha në jetëgjatësi.
