Ministria e Jashtme e Shqipërisë ka bërë me dije se shqiptarët që kanë mbetur të bllokuar në Holandë për shkak të situatës së krijuar me koronavirusin duhet të aplikojnë për zgjatjen e afatit të qëndrimit.
Sipas MEPJ, aplikimi është kusht për zgjatjen e afatit të qëndrimit në Holandë. Aplikimi duhet të bëhet në komunën e qytetit ku ata ndodhen.
“Ministria për Evropën dhe Punët e Jashtme informon të gjithë qytetarët shqiptarë që ndodhen në Holandë, se të gjithë personat që për arsye të situatës së krijuar nga virusi COVID-19, nuk kanë qenë në gjëndje të udhëtojnë drejt një destinacioni të planifikuar më parë, duhet t’i drejtohen komunës së qytetit ku ata ndodhen për të aplikuar për zgjatje të afatit të qëndrimit”, thuhet në reagim.
Në faqen e MEPJ gjenden njoftime edhe për shqiptarët që kanë mbetur të bllokuar në shtete të tjera të Bashkimit Evropian.
