Shqiptarët po blejnë gjithmonë e më shumë me anë të kartave duke eleminuar Cash-in.Vetëm në një muaj shqiptarët kanë kryer mbi 3 milionë trasaksione me karta bankare. Nga një analizë e shifrave të publikuara nga Banka e Shqipërisë vërehet se trendi që prej janarit është me rritje të ndjeshme, ndërsa në total në 6 muaj janë kryer 17.4 milionë trasaksione.
Kryesisht shqiptarët i përdorin karata për blerje në supermarket si dhe për shlyerje të fatuarave mujore. Këto shifra janë tregues pozitiv përsa i përket rritjes së formalizimit në ekonominë shqiptare.
Por pvarësisht kësaj në krahasim me vendet e BE-së pagesat nëpërmjet bankës mbetet në nivele të ulëta.
Qeveria dhe Banka e Shqipërisë kanë nisur një projektin për nxitjen e pagesave me kartë, si një mënyrë për të zgjidhur disa nga problematikat që ekonomia shqiptare ka. Banka e Shqipërisë dhe qeveria tashmë kanë hartuar një draft në bazë të cilit do të ofrohet një llogari bazike për qytetarët që nuk kanë mundësi për të pasur një të tillë..
Gjatë muajve të fundit është vërejtur edhe një rritje e depozitimit të parave në bankomate, e cila tregon shtim të besimit në institucionet financiare.
Sipas Bankës së Shqipërisë, për 6 mujorin e parë të këtij viti janë regjistruar 356 mijë depozitime të parasë Cash në ATM. Nëse bëjmë një krahasim të së njëtës periudhë me vitin e kaluar numri mesatar mujor i depozitimeve në ATM është rritur me 24%.
Banka e Shqipërisë thotë se në 7 vitet e fundit pagesat me kartë kanë pësuar një rritje me gati 4 herë. Ndërkohë rreth 70 % e të rriturve kanë një llogari.
