Për të gjithë shqiptarët e bllokuar në Spanjë për shkak të koronavirusit, Ministria e Jashtme e Shqipërisë bën me dije se atje janë pezulluar të gjithë procedimet administrative përgjatë gjendjes së emergjencës.
Si rrjedhojë, të gjithë shtetasit e huaj, që nuk mund të kthehen në vendet e tyre të origjinës nuk do të preken gjatë kësaj periudhe të jashtëzakonshme dhe po ashtu për këta qytetarë nuk do të ketë sanksione për tejkalim të afateve të qëndrimit.
MEPJ ka publikuar në faqen e saj zyrtare informacione edhe për shtetasit shqiptarë të bllokuar në shtete të tjera të BE-së.
