Arresti kardiak, ja dy simptoma paralajmëruese 24 orë përpara

113 563 lexime

124,178FansaPëlqeje

Arresti kardiak mund të mos jetë aq i papritur, sipas një studimi të botuar së fundmi në The Lancet Digital Health, i cili pretendon se një në dy persona që kanë pësuar një arrest kardiak të papritur kanë pasur të paktën një simptomë paralajmëruese 24 orë para ngjarjes, që ndryshon midis të dy gjinive.

Dr. Sumeet Chugh, kryetare në kërkimin e elektrofiziologjisë kardiake dhe drejtor mjekësor i Qendrës së Ritmit të Zemrës në Departamentin e Kardiologjisë në Institutin e Zemrës Smidt (Spitali Cedars-Sinai, Los Angeles), thekson se zbulimi i hershëm i shenjave paralajmëruese mund të shpëtojë jetë, pasi shumica dërrmuese e njerëzve që kanë një arrest kardiak jashtë spitalit vdesin brenda pak minutash.

Çdo vit, 450,000 amerikanë vdesin nga arresti kardiak, sipas Institutit Kombëtar të Zemrës, Mushkërive dhe Gjakut të SHBA. Në Evropë, një incident ndodh çdo 45 sekonda.

Duke përdorur të dhëna nga dy studime në qytetet amerikane të Ventura (Kaliforni) dhe Portland (Oregon) për incidentet e arrestit kardiak dhe njerëzit që kërkuan kujdes mjekësor urgjent, studiuesit krahasuan simptomat dhe zbuluan se 50% e njerëzve që pësuan një arrest të papritur kardiak përjetoi të paktën një simptomë karakteristike një ditë më parë, dhimbje gjoksi për burrat dhe gulçim për gratë. Hulumtimi gjithashtu tregoi simptoma specifike në grupe më të vogla burrash dhe grash, si rritja e pulseve, simptoma të ngjashme me konvulsionet dhe simptoma të ngjashme me gripin.

Në çdo rast, studiuesit thonë se dhimbja e gjoksit e paprecedentë dhe e shoqëruar me gulçim, rritje të pulsit, marramendje, tendenca për të fikët, djersitje apo vjellje është një tregues për kujdes të menjëhershëm mjekësor./E.Ç

Të fundit

Te gjithë bashkë kundër fatkeqësive natyrore, fillon stërvitja në Shkodër

 Filloi në Shkodrës stërvitja ndërkombëtare “Flood North Albania”, e cila do të zgjasë deri me datë 11 Prill, 2025. Një...

Nis përgjimi masiv në Shqipëri?/ Ekspertët ngrenë alarmin për kompanitë telefonike

Në Shqipëri janë vendosur nga kompanitë telefonike, disa pajisje të cilat kryejnë Deep Packet Inspection, DPI, një sistem monitorimi të cilën ekspertët e IT...

Kurti ftesë LDK-së për koalicion, ja si reagojnë opozitarët

Kryeministri i Kosovës, Albin Kurti i ka bërë ftesë Lidhjes Demokratike të Kosovës për koalicion. Jehona Lushaku, anëtare e kryesisë së LDK-së thotë se është...

Ka 30 milionë pasagjerë në vit, por ky aeroport po fundoset në det!

“Kansai International Airport”, një nga aeroportet më të mëdha të Japonisë që përpunon mbi 30 milionë pasagjerë në vit, po përballet me një rrezik...

Jo vetëm votën, Berisha iu kërkon emigrantëve edhe para: Kemi nevojë për ndihmë nga ju

Zbulonhet e-mail-i i Partisë Demokratike për votuesit në diasporë. Në e-mail, PD bën thirrje shqiptarëve nëpër botë që të bëjnë donacione, duke argumentuar se është...

Lajme të tjera

Web TV