Kreu i shtetit Bajram Begaj ka pritur në një takim në presidencë homologun e tij, Emmanuel Macron. Gjatë pritjes Begaj duket se ka dalë nga protokolli zyrtar.
Në momentin që ka nisur parakalimi pas këndimit të himneve të të dy vendeve, Begaj i ka mbajtur çadrën presidentit të Francës. I njëjti gjest prej tij është përsëritur edhe në momentin e fundit kur Macron doli nga Presidenca. Sërish Bajram Begaj e ka shoqëruar me çadër drejt makinës.
Kjo është vizita e parë zyrtare e një presidenti francez në Shqipëri. Macron ka ardhur pasditen e djeshme në Shqipëri pasi shtyu vizitën dhe pjesmarrjen e tij në Samitin e Procesit të Berlinit.
Gjithashtu Franca ka vendosur që të pezullojë vizat për Kosovën. Presidenti i Francës, Emmanuel Macron, ka treguar se janë pezulluar përkohësisht vizat për Kosovën.
Ai shtoi se ky vendim është marrë pasi nuk është mbajtur fjala e dhënë për dialogun Kosovë-Serbi, ndërsa shtoi se kryeministri Kurti dhe presidenti i Serbisë, Aleksandar Vuçiq, duhet të tregohen më të përgjegjshëm./ S.M
