“Maratona e Tiranës”, gara më e madhe sportive në vend, ka sjellë sot në kryeqytetin shqiptar mbi 4000 vrapues nga më shumë se 40 vende të botës.
Kryeministri Edi Rama ndau sot në rrjetet sociale momente nga starti i kësaj maratone, e cilësuar si eventi më i madh sportiv i organizuar në Tiranë për vitin e shtatë radhazi.
Për mbarëvajtjen e këtij aktiviteti, Bashkia e Tiranës, në bashkëpunim me Policinë e Shtetit, ka hartuar një plan masash, ndërsa u ka bërë thirrje qytetarëve të përdorin sa më pak të jetë e mundur automjetet.
Policia ka publikuar po ashtu edhe akset rrugore ku ndalohet qarkullimi, si dhe planin e lëvizjes së transportit publik dhe automjeteve private sipas akseve të përcaktuara.
“Maratona e Tiranës” është një manifestim për një jetesë të shëndetshme dhe të qëndrueshme, ashtu sikundër dhe për të dalë nga zona e rehatisë./ S.M
