Nga dje pasdite gjendja në familjen Berisha ishte e rëndë, sepse dhëndri, Jamarbër Malltezi, u prangos në Rinas ndërsa priste të shoqen, Argita, ndërsa ish-kryeministrit Berisha iu komunikuar ndalimi i lëvizjes jashtë vendit, pasi është akuzuar për korrupsion pasiv për privatizimin e ish-kompleksit “Partizani”, gjatë kohës kur drejtonte qeverinë.
Pavarësisht këtyre zhvillimeve të rënda dhe të papritura, Armina Mevlani, nusja e Shkëlzen Berishës, nuk e ka prishur axhendën e fundjavës, duke u kujdesur pëveten në një qendër estetike.
Pak para se të niste konferenca e jashtëzakonshme e shtypit e Berishës, Armina postoi një video nga qendra estetike, ku tregon se si heq qimet me lazer.
“Me lazerin e qimeve “Laser Gentle Max Pro Plus” nr 1 si teknologji. Eleminon qimet, kryesorja pa dhimbje dhe pa hiperpigmentim. Jam shume e kenaqur me rezultatin”-shkroi Armina, duke sfiduar ngjarjet rrotull saj./ S.M
