Presidenti i SHBA Joe Biden ka zhvilluar ditën e sotme një bisedë telefonike me Princin Mohammed bin Salman të Arabisë Saudite, në lidhje me konfliktin në Gaza.
Përmes një njoftimi zyrtar, Shtëpia e Bardhë tha se “të dy liderët ranë dakord të zhvillojnë përpjekje të shumta diplomatike për të ruajtur stabilitetin në rajon”.
Ndër të tjera, bëhet me dije se të dy udhëheqësit premtuan të “qëndrojnë në kontakt të drejtpërdrejtë dhe përmes ekipeve të tyre përkatëse”, në lidhje me luftën mes Izraelit dhe grupit terrorist të Hamasit./e.t
