Çfarë po bëjnë kaq shumë brekë në Zvicër? Është një projekt shkencor qytetar, pra kërkim shkencor i hapur për pjesëmarrjen e qytetarëve (jo domosdoshmërisht studiues), nisur nga Departamenti i Biologjisë Bimore dhe Mikrobiale të Universitetit të Zyrihut dhe instituti kërkimor zviceran Agroscope.
Ideja mund të tingëllojë e çuditshme, por projekti Proof by underpants, i cili mund të përkthehet si “dëshmi e brekëve“, ka për qëllim ndërgjegjësimin për problemet e tokës që lidhen me erozionin, infertilitetin dhe degradimin e habitatit, me humbjen e rrjedhimisht të biodiversitetit.
BREKË DEKOMPOZUESE. Kështu, 2.000 palë mbathje të pastra pambuku u dërguan në të gjithë Zvicrën vullnetarëve, fermerëve, kopshtarëve apo qytetarëve të thjeshtë, për t’u varrosur në kopshte dhe fusha, me qëllim matjen e shëndetit të tokës.
Pambuku, në fakt, është një burim ushqimor appetizing për lloje të ndryshme të mikroorganizmave në tokë. Pas dy-tre muajsh, të brendshmet u gërmuan dhe u fotografuan nga pjesëmarrësit. Shkalla e dëmtimit nga mikroorganizmat, duke përfshirë kërpudhat, insektet dhe krimbat, tregoi për studiuesit gjendjen e tokës: më shumë dekompozim i të brendshmeve tregon jetën më aktive të tokës, pra një gjendje më të mirë shëndetësore.Pershtatur nga fokus.it/O.S
