Dizajneri i këpucëve, Sergio Rossi ka vdekur në moshën 84 vjeçare, nga koronavirusi, Covid-19. Sergio Rossi u lind më 1935 në San Mauro Pascoli, në një nga rajonet Italisë, ku dhe nisi markën e tij më 1968.
“Sergio Rossi ishte një mjeshtër, dhe është nderi im i madh që e kam takuar atë dhe ia kam paraqitur arkivin në fillim të këtij viti. Vizioni dhe qasja e tij do të mbetet udhëzuesi ynë për rritjen e markës dhe biznesit”, shkroi në Instagram, Riccardo Sciutto, Drejtori i Përgjithshëm i Grupit Sergio Rossi.
Të famshëm të shumtë janë veshur me këpucët e dizejnuara nga Rossi, përfshirë Rihanna, Taylor Swift, Paris Hilton, Priyanka Chopra, Kylie Jenner, Laura Dern, Ariana Grande etj. Në mars, kompania njoftoi se 100% e shitjeve të saj në internet do të shkonin si donacion për luftën kundër pandemisë COVID-19.
