Redaktorja e një reviste biznesi në qytetin Perm të Rusisë, Anastasia Petrova, 36 vjeçe, ka humbur jetën nga koronavirusi, duke u kthyer kështu viktima me moshën më të re në këtë shtet.
Si pasojë e shpërthimit të koronavirusit, gazetarja punonte nga shtëpia dhe kur gjente kohë kujdesej për dy djemtë e saj të mitur, Ilya 12 vjeç dhe Yaroslav 10 vjeç.
Ndërsa, para një jave raportohet se atë e “pushtuan” ethet, si edhe kishte dhimbje të fytit të shoqëruara me kollë të thatë, simptoma këto të koronavirusit.
Pas konsultës tek një mjek, Anastasia i kishte konfirmuar atij që kishte pasur kontakte me tre persona që kishin ardhur nga vende të tjera.
Mbrëmjen e 24 marsit, ajo iu drejtua spitalit pasi simptomat e saj kishin agravuar dhe gjendja ishte përkeqësuar dhe temperatura rritej vazhdimisht, pavarësisht se merrte paracetamol.
Më 27 mars, 36 vjeçarja postoi se testi i saj i parë, kishte rezultuar negativ për COVID-19. Mirëpo, kur mori përgjigjen e testit të dytë ajo i dërgoi mesazh shoqes së saj Yulia:
“Yulia, testi im i dytë rezultoi pozitiv për koronavirusin. Ndihem shumë keq”.
Ky ishte komunikimi i fundit i saj, pasi ndërroi jetë disa orë më vonë. Deri në këto momente dy djemtë e Anastasias, raportohen të jenë negativ për koronavirusin./Fjala.al/
