Simptomat më të shpeshta të koronavirusit, Covid-19, janë temperatura e lartë dhe kollitja e vazhdueshme, por ekzistojnë edhe simptoma më të rralla të kësaj sëmundjeje, të cilat nuk duhet t’i injoroni.
Sipas Organizatës Botërore të Shëndetësisë, një në gjashtë të infektuar me Covid-19 mund të ketë simptoma më serioze dhe më të rënda, disa persona shfaqin simptoma të lehta, disa nuk shfaqin fare shenja duke e bërë edhe më të vështirë identifikimin e tyre.
Një nga simptomat më të rralla, të cilat mund të tregojë se jeni i infektuar me Covid-19 është dhimbja e kokës. Një studim i pubikuar në revistën shkencore Lancet, ka vërtetuar se dhimbja e kokës është një simptomë të cilën e kishin përjetuar 8% e pacientëve të infektuar në Wuhan.
Një simptomë tjetër, të cilës duhet t’i kushtoni rëndësi është edhe marramendja. Sipas Cleveland Clinic, nëse vëreni marramendje të vazhdueshme atëherë duhet të kryeni testin e nevojshme, për të parë nëse jeni i infektuar apo jo.
Simptoma tjetër e rrallë është edhe dobësimi i shqisës së nuhatjes. Në bazë të studimeve, shumë persona të infektuar me koronavirus në Kinë dhe Itali, kanë raportuar se kanë humbur shqisën e nuhatjes. Në këtë studim është vërtetuar se 18% e rasteve të infektuara kanë raportuar edhe humbje të shqisës së shijes. /Dailystar
