Një pacient që po luftonte me koronavirusin festoi ditëlindjen e tij të 100-të në spital. Megjithëse nuk mund të ishte një ditëlindje si gjithë të tjerat, stafi mjekësor e surprizoi 100-vjecarin me një tortë dhe me lajmin e mirë se ai tashmë e kishte mposhtur koronavirusin.
Fotot e shkrepura në Qendrën Spitalore Universitare të Sao Joao në qytetin e Porto në Portugalinë veriore tregojnë stafin mjekësor duke surprizuar Luciano Marques da Silva me një tortë për ditëlindjen e tij të 100-të.
Vajza e tij Maria Jose, 61 vjeçe, thirri një ambulancë për babanë e saj në 24 mars, kur ai filloi të shfaqë simptoma të koronavirusit.
“Në fillim pati një kollë të thatë, pastaj me shumë pështymë dhe ai filloi të kishte një ethe e cila nuk po i largohej,” tha ajo.
