Në Haraçinë mendojnë se paniku mbi koronavirusin është krijuar artificialisht. Vetëm 12 km larg qendrës së Shkupit në Maqedoninë e Veriut, në Haraçinë jeta vazhdon normalisht, ndërkohë që banorët theksojnë faktin se në qytet nuk është regjistruar asnjë rast infektimi.
“Ne i dimë masat, i dimë të gjitha masat, por njerëzit duhet të dalin. Të gjithë dalin gjatë asaj kohe për të dalë, për tu furnizuar me produkte. Këtu e di me siguri se nuk ka një virus të tillë në Haraçinë, me siguri askush nuk është raportuar deri më tani”, shprehet një qytetar për ‘Alsat-M’.
Situatë e ngjashme paraqitet edhe në qytete të tjera, ndërkohë që numri i të infektuarve në vend ka arritur në 663 raste. Numri i viktimave në Maqedoninë e Veriut nga COVID-19 është 30.
