Kanë dalë pamje nga plagosja e ndodhur pak momente më parë në zonën e Xhamllikut në qytetin e Tiranës.
Teksa ishte duke qëlluar drejt Orges Bilbilit, që po tentonte të arratisej, një efektiv policie ka plagosur një kalimtare në këmbë. I plagosur ka mbetur edhe 30-vjeçari që po përpiqej t’i largohej forcave policore.
Ngjarja ku mbeti e plagosur shtetësja me inicialet M.P ka ndodhur para shkollës “Niket Dardani”.
Në videon e mëposhtme shihet ende i shtrirë përtokë, me pranga në duar i riu, që mbeti i plagosur në këmbë, ndërsa nga ana tjetër dëgjohen punonjësit e policisë, të cilët ftojnë qytetarët që të largohen nga zona, ndërkohë që ata lejohen që të lëvizin përgjatë një orari, pasi kanë marrë lejen e daljes.
Më tej bëhet me dije se vajza është transportuar në spitalin e Traumës, ku thuhet se ka marrë vetëm një plumb në këmbë, ndërsa ndodhet jashtë rrezikut për jetën./Fjala.al/
