Mali i Zi është duke diskutuar projektligjin mbi lirinë fetare. Ky projektligj ka sjellë përplasje të shumta midis palëve, veçanërisht në Kuvendin e Malit të Zi.
Minoriteti serb bllokoi rrugët nëpër gjithë vendin në shenjë proteste dhe pakënaqësie me ligjin. Serbët kanë shkuar deri aty sa ka përmendur edhe luftën në Kuvendin e Malit të Zi.
Duke iu referuar amendamentet e paraqitura nga Këshilli Metropolitit, deputeti serb i Frontit Demokratik, Andrija Mandiç është shprehur mbrëmë në Kuvend se nëse nuk hiqet dorë nga ligji, “kjo do të jetë një fatkeqësi për Malin e Zi”.
“Unë i bëj thirrje të gjithë shokëve të mi të luftës që nga ’91. dhe ’99. të jenë gati! Ju mund të mbështeteni tek më e keqja”, tha Mandiç.
Një ditë më parë, mediat serbe shkruan mbi këtë projektligj dhe sipas tyre ai synon të ndajë Kishën e Malit të Zi nga Partriarkana e Moskës.
Kishat në Ballkan po ndahen nga Moska/Trembet Rusia: Skenar si në Ukrainë
Autoritetet malazeze kanë arritur të rezistojnë deri më tani që institucioni kishtar të përdoret për qëllime politike.
Ky është konstatimi që bën eksperti rus i besimeve fetare, Roman Lunkin.
Lunkin, i cili drejton Qendrën për Studimin e Fesë dhe Shoqërisë në Institutin Evropian të RAN, thekson se Mali i Zi rrezikon të përfundojë si në skenarin ukrainas.
“Ne kemi parë se si në Ukrainë kur ish-presidenti Petro Poroshenko dhe Patriarkana e Kostandinopojës themeluan me forcë Kishën e Ukrainës. Ata kërkuan gjithashtu të ndaheshin nga Patriarkana e Moskës, të ardhurat dhe një pjesë e tempujve të kësaj kishe të futeshin nën juridiksionin e Ukrainës” shprehet Lunkin për Sputnik.
Sipas ekspertit Lunkin, autoritetet malazeze po luajnë të njëjtën kartë. Lunkin shpjegon se ata duan të shkëputin kishën e tyre nga Patriarkana e Moskës për qëllime politike.
Lunkin shpjegon se kjo ide po përhapet në shumë kisha që varen nga Partriarkana e Moskës.
Të njëjëtën rrugë është duke ndjekur edhe Maqedonia. Po ashtu e njëjta gjë po ndodh edhe në Moldavi.
Ai shton se përpjekjet e këtyre vendeve për t’u shkëputur nga Patriarkana e Moskës, u jep liderëve politikë, një kartë të fortë për të kontrolluar kishat që kanë nën juridiksionin e tyre. /Fjala.al/
