Mjekët e Spitalit Universitar të Traumës janë përballur me një lajm të trishtë, atë të ndarjes nga jeta të kolegut të tyre Krios Beqaraj.
Lajmi për ndarjen nga jeta të Krios Beqarajt është dhënë nga Fakulteti i Mjekësisë.
Krios Beqaraj ishte mjek specializant për Ortopedi në Spitalin e Traumës. Kolegët e tij në Spitalin e Traumës, por edhe ata të Fakultetit të Mjekësisë kanë shprehur ngushëllimet e tyre.
“Spitali Universitar i Traumës i shpreh ngushëllime familjes së Krios Beqaraj mjekut specializant Ortoped, në Shërbimin e Ortopedisë klinika e parë, për ndarjen nga jeta në moshë të re, pas përpjekjesh dhe dëshirës për të jetuar dhe ushtruar profesionin e tij, të cilit ditën e sotme ju dha lamtumira për në banesën e fundit. Ngushëllime familjes”, thuhet në reagimin e Spitalit të Traumës./ S.M
