Ish-kreu i Urdhërit të Veterinerëve, Thoma Purriqi ka folur sot në lidhje me situatën në të cilën ndodhet vendi për shkak të koronavirusit.
Në një lidhje live me Fax News, ai tha se pavarësisht që nuk ka ndonjë konstatim përfundimtar e zyrtarnë lidhje me këtë, kafshët janë rrezik real për përhapjen e pandemisë së koronavirusit.
Purriqi ngriti shqetësimin e tregtimit të produkteve kryesisht të mishit të kafshëve në tregjet shqiptare, ku sipas tij bëhet përmes certifikatave false dhe jashtë çdo verifikimi veterinar.
“Shërbimi veterinar është inegzistent, pasi të gjitha kafshët që tregtohen janë të pakontrolluara. Pavarësisht se ende është e paprovuar se kashfët mund ta shpërndajnë pandeminë, por nga ana tjetër është ndjekur pista se kafshët e egra mund ta bëjnë këtë. Kafshët e egra duhet të mbyllen në karantinat e posaçme. Vetëm formalisht duket sikur janë të organizuara nga pikëpamja veterinare, ndërsa realisht nuk është kështu.
Siguria ushqimore, sidomos mishi dhe produktet e tij janë jashtë çdo kontrolli veterinar. Krahas mjekut të familjes duhet të jetë përkrah edhe mjeku veterinar, që është jashtë funksionit dhe kjo është fatkeqësi për çfarë konsumojmë ne. Pandemia e virusit është njëra anë, por pandemia e sigurisë ushqimore dhe e konsumimit të mishit të kafshëve që është jashtë kontrollit, është e rrezikshme. Ata që dalin në tregje marrin certifikata false, në derën e thertores ose në derën e tregut. Do iki pandemia e virusit, por problemet e ushqimeve të pakontrolluara në këtë periudhë janë të rrezikshme për shëndetin e njeriut. Nëse kafshët mjekohen me antibiotik dhe ato nuk mjekohen është jashtë çdo kriteri dhe rregulli veterinar”,-tha Purriqi./Fjala.al/
