Italianët duan të largohen nga Bashkimi Evropian pasi komisioni nuk arriti të negociojë me shpejtësi paketat e ndihmës për luftën ndaj koronavirusit, ka rezultuar sipas një sondazhi.
Ministrat e financave të BE ranë dakord për një paketë shpëtimi prej 500 miliardë eurosh për të ndihmuar vendet gjatë pandemisë të COVID-19. Sidoqoftë, marrëveshja nuk përfshin borxhin e përbashkët për të financuar rimëkëmbjen për të cilën po kërkonin Italia, Franca dhe Spanja, por kjo u refuzua nga Gjermania, Hollanda, Austria dhe Finlanda.
Italia është shkatërruar nga koronavirusi dhe për një kohë të gjatë, ka pasur më shumë vdekje në të gjithë botën. Tani, 49% në 1000 italianë të anketuar janë pro për t’u larguar nga BE, sipas një sondazhi të Institutit Tecne. Kjo është 20% më shumë mbështetës të “Italiexit” sesa një vit e gjysmë më parë kur pyetja u shtrua për herë të fundit për publikun. Sondazhi u krye në 9 dhe 10 Prill – pak para marrëveshjes për pagesa të ndihmës.
Jehonë po bëjnë gjithashtu dhe rezultatet e një studimi tjetër, të kryer nga Termometro, që zbuloi se 39.9% e italianëve janë pro largimit nga BE, ndërkohë, 40.9% duan të qëndrojnë ende.
“Italianët tashmë janë bërë shumë dyshues për Evropën. Ekziston rreziku që të mund të shkaktohet një ‘Italexit’,” tha drejtori i Institutit Jacques Delors Sébastien Maillard, “si pasojë e krizës së koronavirusit.”
Situata aktuale ka atë që duhet për të tronditur strukturën e BE-së, shtoi ai.
Në mënyrë të ngjashme, kryeministri italian Giuseppe Conte paralajmëroi se ekzistenca e BE-së do të ishte nën kërcënim nëse vendet nuk mund të bëheshin së bashku për të luftuar pandeminë e COVID-19./Burimi: Express.uk Përshtati: Fjala.al
R.G
