Ditën e djeshme Gjykata e Tiranës konfirmoi 7 masa sigurie për mjekë, administratorë, drejtues spitali dhe farmacistë që akuzohen për shpërdorim detyre, duke u mohuar pacientëve me kancer shërbimet në shtet me ilaçet e kimioterapisë dhe detyruar të kuroheshin në klinika private. Skandali shtohet edhe më tej, mjeku me masën “arrest shtëpie” del nga dera “VIP” e gjykatës i pashoqëruar nga policia.
Mjeku dallaveraxhi që del në përgjime duke bërë pazare me jetët e të sëmurëve me kancer erdhi i qetë në gjykatë, teksa as nxihej e skuqej para kamerave. Dëgjoi pak kohë akuzat e doli hajdutshe nga “dera VIP” ku kalojnë gjyqtarë, prokurorë e avokatë. Hajdutshe iku dhe s’kish si të ndoshte ndryshe sepse e njohin mirë këtë zanat… Mjekja tjetër, në masën “detyrim paraqitje” erdhi e axhituar se përse gazetarët e kanë nxjerrë keq në foto. Përgjegjësi morale? As edhe një pikë. Ndërgjegje aspak të vrarë, ndonëse me dashje, duke u dhënë pas parasë dhe jo shëndetit të pacientëve, kanë bërë një krim të rëndë që as nuk e quajnë të tillë. Kaq të neveritshëm? Më shumë se aq. Fabula e asaj që ndodhi është fort klasike, mëse e dëgjuar dhe provuar në spitalet tona. Mjekë, infermiëre, koordinatorë, drejtues spitali dhe farmacistë bënin planin: 1-I detyronin pacientët me kancer që të kryenin opracione në klinika private. 2-Vidhnin ilaçet e kimioterapisë me vulë spitalore dhe i çonin në farmaci private, ku më pas detyronin pacientët ti blinin me çmime shumë të larta. 3-Përgjysmonin dozat e kimioterapisë për pacientët duke i çuar drejt një vdekje më të shpejtë. 4-Nuk vendosën qëllimisht në funksionim aparaturën e radio-terapisë. Dhe në fund bënin hesape se ku do i kalonin pushimet, në Filipine, apo Maldive…., apo kur u thonin se të sëmurën kanë kanë temperaturë, përgjigja ishte: varu lesht… Mjeku që del në këto përgjime të miratuara nga gjykata u la në “arrest shtëpie”, por ai iku pa u shoqëruar me punonjës policie sikurse e ka ligji, e madje doli nga dera VIP e gjykatës, duke na sfiduar të gjithëve dhe shtuar më shumë dozën e mllefit që po na kthehet si kancer shëtitës sa herë përballemi me sëmundjen tonë apo të afërmve tanë. Ndoshta çudia e madhe do zgjasë edhe sot, pasi nesër kap tre ditë e do harrohet më shpejt ngase nisi. Pas ca kohësh do plasë një tjetër skandal, ky do harrohet, do merremi me të radhës, e radhës që nuk ka fund. Po kaq shumë u mllefosëm si shoqëri duke përvëluar shumë zemra qytetarësh ku dyshohet se nga papërgjeshmëria e një mjeku të njohur iku jeta e një fëmije 3-vjeçar që u mbingarkua me anestezi deri në humbjen e jetës. Skandale të tjera plot do dalin, e ai “grup pune” që ka ngritur Ministria e Shendetësisë për skandalin e fundit tek Spitali Onkologjik në QSUT do bëjë sikur punon, sa krimi i sotëm të harrohet për tu mbuluar me krime të tjera. Vetë sistemi është me kancer malinj që vetëm grabit qytetarët me ryshfetin e zakonshëm në spitale. Ata pasurohen dhe ne vdesim para kohe, sepse dikush me bluzën e bardhë të mjekut, një tjetër me bluzën blu të infermierit, apo një korrdinatur e drejtues spitali me kostum shik vuan nga obeziteti i mitomanisë (pasurimit me ryshfet e korrupsion), ata majmen ndërsa qytertaët e pamundur nga varfëria duhet të mendojnë edhe për shpensimet e fundit, funeralin. Hetimi i Prokurorisë së Tiranës zbuloi se ilaçet nxirreshin jashtë spitalit dhe shiteshin në disa farmacive në Tiranë. Radioterapia nuk u vu kurrë në punë edhe pse aparatura dhe lënda e rrezikshme kimike “Kobalto” ka qenë prezente në spital prej vitit 2021. Masat që janë caktuar për personat e përshirë në dosjen e Onokolgjikut: Edmond Gashi (mjek) – “Arrest shtëpie”, Alketa Pere Ymeri (mjeke) “Detyrim paraqitje”, Brikena Qirjazi (zv.drejtoreshë e QSUT) -“Detyrim paraqitje”, Emiljano Lela (Koordinatori pranë onkologjikut) – “Detyrim paraqitje”, Drilona Kishta (ish-specialist pranë QSUNT banuese në Amerikë) – “Detyrim Paraqitje”me akuzën e shpërdorimit të detyrës. Ndërsa Halil Gashi (administrator i klinikës Megis) “Detyrim paraqitje” dhe Florian Marku (administrator farmacie) – “Arrest shtëpie”.
